容英傑 (Basa)
貓奴注意！朗豪坊與日本策展商TODAYS GALLERY STUDIO合作，首度將風靡萬千日本貓迷嘅「ねこ休み展」（貓咪休息寫真展）移師香港舉行，展期由即日至9月3日，展出14個在社交平台極具人氣嘅日本喵喵的寫真，包括鍾意用雙腳站立嘅Pooh-chan同埋被喻為「貓界長腿女神」嘅Coto；我哋港產尖東忌廉哥及香港街貓攝影師 容英傑 (Basa)鏡頭下的貓貓寫真亦會登場。
8年前開始影街貓嘅Basa同Ray講，佢鍾意影貓係因為貓表情多多，無論點影都咁靚，仲視影貓為終身職業：「(如果) 貓唔喺地球上消失，我都會繼續影。」身為貓奴嘅佢話，影貓除咗為滿足個人興趣外，仲希望香港人可以學識欣賞唐貓，以領養代替購買。
展場仲設有「Print Your MEOWment打印館」，貓奴們可以即時列印「主子」嘅相貼堂；另外，喺商場消費滿100元就可以參加「#HappyMEALment 開罐罐喇」遊戲，挑戰成功即可獲贈限量版「盒子喵咪便利貼」！