消費券終於到手！Ray就打算聽日去工展會購物節掃貨。今年大部分商戶繼續提供1折起優惠，亦有其他現場限定優惠，例如每日限量20套「時令養生湯包福袋」、每日首20名顧客獲贈1套7包養生花茶和杯等禮品！不過最吸引Ray的，莫過於大會新增兩場「閃購直播」，俾大家網上搶購，聽聞其中一份禮物係用優惠價888元，就買到原價1,708元嘅中秋福袋，內含13種風味罐頭鮑魚、金華火腿等，夠晒應節！當然仲有唔少得嘅壓軸大抽獎，入場即免費獲贈抽獎券，大獎包括廚具、機票和酒店自助餐等。
消費券到手，購物特別爽。
養生筍貨款式多。
為鼓勵接種疫苗，大會安排已打一劑疫苗市民可免費進場，另外，活動首次移師到亞洲國際博覽館舉行，所以大會同港鐵推出期間限定車票，來回港島僅40元，又提供7條免費接駁巴士路線，往來東涌，以及屯元天，方便大家入場掃平貨！