今屆世界盃常有意外賽果，電視機旁的球迷睇得過癮，親身去俄羅斯直擊就一定更加刺激。話時話，今年積極招兵買馬的康宏理財，特別邀請業績優秀的理財顧問前往世界盃現場，同管理層一起睇總決賽，以答謝同事過去半年的努力，並增加管理層和同事之間的凝聚力，的確有諗頭。
康宏理財服務有限公司行政總裁冼健岷話，留意到唔少同事非常留意呢場體壇盛事，於是希望透過直擊球賽活動，與同事打成一片，讓老闆、員工上下一心。而5日4夜行程高潮當然係今日凌晨先打完的法國對克羅地亞大戰。佢又話，已預留1億元作獎勵計劃及招聘用途，目標於年底前增加理財顧問人數至2,000人。今次世界盃直擊活動是康宏招聘人才的重點獎勵計劃之一。
另外，昨晚決賽期間，公司亦於香港搞咗個大型派對，由俄羅斯靚仔Artem Ansheles擔任活動司儀，同超過300名同事一同觀賞賽事直播，感受世界盃的熾熱氣氛。