Ad Block Ad Block
新聞
2018-08-17 06:00:00

曾主席長毛星洲睇組屋 矛盾組合再旅行

分享:
曾主席(右)同長毛在新加坡睇組屋期間小休。

曾主席(右)同長毛在新加坡睇組屋期間小休。

免費電視ViuTV前年開台節目《跟住矛盾去旅行》,頭炮組合立法會前主席曾鈺成同長毛梁國雄嗰輯叫好又叫座,呢對矛盾組合最近又應ViuTV邀請一齊去旅行。佢哋上次天寒地凍去波蘭做義工,今次就近近地去獅城,食正香港火辣辣嘅土地大辯論議題,去新加坡睇政府組屋。
 

新加坡其中一幢組屋,外觀高尚。

新加坡其中一幢組屋,外觀高尚。

曾主席同長毛雖然政見唔同,但私下其實老友鬼鬼,朝夕相對幾日應該大把話題,不過佢哋今次旅程有特定議題,大家都知,曾主席係土地供應專責小組成員,今次去新加坡可謂開正佢嗰瓣,而長毛本身住公屋,以用家身份睇當地公營房屋,應該會有好多感受。


至於呢對組合對房屋政策有同一睇法定南轅北轍,大家要等到12月節目出街先知。新加坡組屋又平又靚,羨煞唔少香港人,下次見到曾主席,不妨問吓佢星洲組屋模式可唔可以照搬嚟香港。

單位室內雅緻。

單位室內雅緻。

請接受以下私隱政策及免責聲明,以示你同意am730內之私隱政策及免責聲明。了解更多
接受