話咁快聖誕又嚟緊，今年太古地產搞的白色聖誕市集已定咗日子，就係11月23至25日(灣仔星街小區)，及11月29日至12月1日(太古坊糖廠街)，連續兩個周末舉辦兩場，並為「愛心聖誕大行動」(Operation Santa Claus)籌募善款。活動是免費入場，亦歡迎捐助，場內不少物品及活動收費都係撥作慈善用途。到時，大家又可去熱鬧一番，一邊選購聖誕精品及節慶美食，一邊欣賞現場娛樂表演，包括聖誕歌詠團及Busking等，感受一下如外國般的聖誕市集歡樂氣氛。
白色聖誕市集已進入第6年，今年以「登上聖誕列車，歡渡窩心佳節」為主題，星街小區及糖廠街都會化身古樸的火車站，並設有泰迪熊聖誕巡遊及聖誕老人照相車卡，方便大家影張靚相留下美好回憶。灣仔星街小區更準備了一個20呎高的巨型聖誕老人汽球飄浮於半空，非常矚目，料會成打卡熱點；而太古坊糖廠街則有可大玩擲雪球遊戲。