Ad Block Ad Block
新聞
2021-07-09 04:30:00
日報

譚仔三哥殺入中環蘭桂坊 Agent. L身先士卒 試飲辣味手工啤

分享:

Ray聽到同事們相約今晚收工去蘭桂坊食米線,無錯,唔係飲酒,係食米線!事關譚仔三哥中環旗艦店今日正式開幕,選址威靈頓街「老蘭翠華」舊址,佔地兩層地方又大又闊落。作為中環首間分店,「老蘭三哥」除於店舖設計同姐姐制服上大搞新意外,仲破天荒提供酒精飲品、串燒、獨門「砂砂湯」,配埋3款中環店限定嘅米線配料肥牛、龍蝦丸同墨魚仔,唔怪得Agent. L、徐㴓喬同練美娟等「星級三粉」日前到場朝聖試菜個陣食到舔舔脷!
 

勇猛嘅Agent. L當日仲身先士卒試飲咗譚仔三哥同本土啤酒廠「少爺啤」聯乘推出的兩款手工辣味啤酒,5小辣「煳辣.黑啤」保留到三哥獨創煳辣湯底精髓,10小辣「麻辣.酸啤」辛香清爽麻痺感十足。飲一啖冰凍啤酒,再食一啖惹味串燒,連Agent. L都忍唔住大叫Secured!

請接受以下私隱政策及免責聲明,以示你同意am730內之私隱政策及免責聲明。了解更多
接受