Ad Block Ad Block
新聞
2018-02-02 06:00:00

迪士尼13公主識得幾多個?

分享:

去到迪士尼樂園,除咗玩機動遊戲,小朋友尤其女孩子去到,梗係想去城堡同公主合照。不過,呢排香港迪士尼城堡進行擴建工程,咁咪見唔到公主!唔係喎,原來迪士尼將會喺城堡範圍築起融合公主故事嘅圍板,將每位公主故事裡面最具代表性嘅場景,與動畫中經典動人嘅歌詞,描繪喺每一面牆上。
 

唔講唔知,原來迪士尼有13位公主咁多,大家又識得幾多個?除咗大家熟識嘅白雪公主、《美女與野獸》嘅貝兒,一定唔少得全球大熱動畫電影《魔雪奇緣》嘅愛莎與安娜,仲有「睡公主」愛洛、「魔髮奇緣」的長髮公主樂佩、「小魚仙」艾莉奧、「阿拉丁」的茉莉、「風中奇緣」的寶嘉康蒂、「花木蘭」的木蘭、「公主與青蛙」的蒂安娜與「勇敢傳說之幻險森林」的梅莉達;另外,來自《魔海奇緣》嘅16歲海島少女慕安娜亦成為公主一分子,關於佢嘅全新舞台表演「魔海奇緣凱旋慶典」將於5月喺樂園嘅探險世界登場,為新階段嘅擴展計劃打響頭炮。


到時爸爸媽媽可以帶住仔女去識晒咁多位公主之外,仲可以影相打卡,調番轉亦可以聽仔女講佢哋心儀嘅公主故事,都係唔錯嘅親子活動嚟㗎!


 

請接受以下私隱政策及免責聲明,以示你同意am730內之私隱政策及免責聲明。了解更多
接受