荷蘭，令你聯想全能足球、梵谷、藍瓷，定係風車同鬱金香？原來每年4月27日國王日，係荷蘭最大型慶祝節日，香港作為國際城市，梗係有份慶祝啦。荷蘭駐香港及澳門總領事館為隆重其事，將於今個月舉行第四屆香港荷蘭日，荷蘭駐港澳總領事呂安微同Ray講，活動會將荷蘭鮮為人知的文化呈現給市民，希望市民可盡情探索荷蘭的文化。

想享受荷蘭式周末的話，市民可於22日到北角油街12號參加「荷蘭親子日」，當日市民可喺荷蘭傳統木屐Klompen的匙扣繪上顏色，或參加荷蘭花藝工作坊了解當地嘅花藝設計，市民亦可一嘗及製作當地傳統點心小鬆餅。當日活動免費但需先預約登記。

市民更可參加27至29日於科學園舉辦的「荷蘭四月美食節」，嘗試多款荷蘭傳統小食，如炸肉丸、可樂餅、鯡魚及焦糖煎餅等。28日同場亦設「國王遊戲日」，小朋友可於當日參加小型的運動比賽及面部彩繪。兩項活動於科學園舉行且免費入場。另外，香港荷蘭日重點活動仲包括藍瓷工作坊、博物館創新管理相關講座、藝術展覽、音樂活動、電影節等，期待觀眾盡情探索荷蘭，想了解各項活動可瀏覽www.dutchdaysinhongkong.com