最近不停有飛機意外的消息，又爆胎又lose control又持槍上機……雖說飛機是最安全的交通工具，但一出事，就沒有然後了。因此我們training對時safety部分非常重要。
正式training分services和safety兩部分，合共兩個多月，星期一至六，朝九晚五，每部分都有測驗考試，八成合格，肥佬就拜拜。「開學」第一日就獲分發一本厚過牛津字典的manuel，見到已經頭痛，但原來只是用於service部分……services主要了解公司行政、政策文化、飛機結構、用品等服務上的技巧與程序，甚是繁複。好唔容易捱完一個月以為成功在望？Safety先係最多人「到此止步」的地方，一個唔小心，即日離職不是夢。
Safety training未開始已經收到一張密密麻麻的生字表，包括飛機結構、人體部位、術語等。好似我呢類英文唔鹹唔淡的人想順利畢業，真的要下唔少苦功。短短一個月的safety好似過咗成年，內容包括飛機安全用品用法、跳落超過5米高的滑梯、於漆黑一片且煙霧瀰漫的機艙救公仔、真滅火、急救、緊急疏散、游水(水中救人)、鎖人、綁休克機長、睇災難片……為唔同情況準備，每日都無覺好瞓，但真的非常充實。
以上資料俾想入行的讀者有個心理準備，但千祈唔好被嚇怕，雖然望落短短兩個月學晒好似有點誇張，但下點苦功就可以去世界唔同地方見識，達成夢想。努力一定會有回報，我可以，你都一定可以！