見到魚腸放低銀両女人街食飯公司

「大牌檔」絕對是香港街頭飲食文化代表之一，小時候在觀塘長大的我，最喜歡就是跟住老爸去仁愛圍擦餐勁，看著隔籬枱三五知己一邊隊啤一邊享受小炒，碰杯聲兼粗口橫飛，齊齊炒媽拆蟹，進入忘我境界，本土文化就是如此。可惜的是，隨著時代轉變而變成回憶，還好香港有些有心人肯盡量保留以前的街頭味道，早前和公司三位美女一齊食飯，我一話去大牌檔，大家異口同聲說好，難得她們沒有港女上身，因為呢間有冷氣唔地踎的大排檔叫「女人街食飯公司」，食物及裝修環境似足昔日香港，猶如走入時光隧道！
餐牌裡面懷舊系、椒鹽系、小炒系全部齊全，其中一個「大叔焗魚腸$98」令我雙眼發光！焗魚腸係我兒時最愛之一，這種材料九流，味道一流的手工菜買少見少，今時今日我只要見到魚腸就會放低銀両；亦是大叔的愛，好吃得足以令我返轉頭，焗得金黃成個蛋糕一樣，陳皮落得足，魚腸乾淨零腥氣，入口甘香，若然有埋油炸鬼的話我俾100分。