喺4年前嘅2015年5月，Kickstarter上面出現咗一個破格嘅遊戲集資，名稱為《血咒之城：暗夜儀式》，發起人個名叫五十嵐孝司。五十嵐孝司響遊戲界成名作叫做《惡魔城X月下夜想曲》，相信對呢隻game有認識嘅朋友都立即明白係咩一回事，亦因此佢成為咗《惡魔城》代表人物，仲俾人叫「惡魔城之父」，係正式確立咗呢個玩法嘅傳奇人物。而《血咒之城》就係佢離開KONAMI後第一個類似作品，連配樂都係搵返《惡魔城》系列配樂作曲家山根實知琉(山根ミチル)創作。其實呢隻game土下座都係期待已久，本來係17年推出，結果唔順利，延期到上年都係搞唔掂，要到今時今日先正式面世，仲因為開發咁耐而取消埋PS Vita同Wii U版(改成Switch版)。我諗呢隻game都唔使多講，買名氣同往績都已經足夠，唯一想提大家PS4、Xbox One同PC都做到1080p@60fps，但Switch機能所限只係得720p@30fps，要方便定要畫面最好，大家自己選擇！