唔講遊戲有幾高質幾值得期待，1月25日正式推出嘅Capcom大作《Biohazard RE：2》可以話做咗個世界級創舉，事關佢地響即日開始至2月前，先響各大平台推出一個叫「1-Shot Demo」嘅試玩版，本來game未出先有Demo唔係咩新鮮事，新鮮在呢個「1-Shot Demo」其實只能玩30分鐘，你冇睇錯，無論你gameover幾多次，幾快玩完都好，都只係可以玩30分鐘，時間一到就玩唔返(開多個帳號另計啦)，而Demo亦會局限咗玩家響一個地區唔可以行出去，結果亦引來黐線佬挑戰Demo版最快爆機記錄，截稿前就有位神人只用2分50秒就完成咗個Demo，非常黐線！題外話，話就話Capcom成日「炒冷飯」引fans不滿，但事實就係遊戲質素好，重新換上新引擎後，全世界fans都繼續賣帳，講真本身隻game都20年前嘅事，重製當俾小朋友體驗下當年神作都係好事啦。