Ad Block Ad Block
新聞
2021-04-01 04:30:00
日報

《Cyberpunk 2077》首次大更新 蠢驢終於發功?

分享:

《Cyberpunk 2077》絕對稱得上近年遊戲史上最具爭議作品,本來波蘭開發商CD Projekt上年憑Netflix版《巫師》劇集大熱,唔止令2015年已經推出嘅舊作再度狂賣超過600萬套,亦令佢哋一度超越Ubisoft,成為歐洲最有價值嘅遊戲公司,但後來故事係點相信大家都知。土下座都曾經講過,「先賣後補」呢個遊戲壞習慣,由《巫師3》時代已經係咁,似乎係佢哋一貫弊病。後來《巫師3》用多年時間更新,不斷提供免費內容,最終竟然有成16個免費DLC送俾玩家,慢慢被玩家冠以「波蘭蠢驢」嘅花名同口碑。表面係鬧,實際係想暗讚佢哋係業界良心,明明可以收錢嘅DLC竟然免費送,實在太蠢。只係當年《巫師3》首年賣不過幾百萬,佢哋亦唔係今時今日咁受追捧同全球注視嘅公司,話題同爭議先冇咁大。最近《2077》首個大型更新總算推出,「蠢驢」又再令全世界意外,因為淨係講更新內容,已經要用成萬字解釋,簡直黐線。睇返《巫師3》用5年時間最終賣出超過3,000萬套,如今《2077》去年已公布扣除退款後都已賣1,300萬,「蠢驢」更加唔會輕易放棄,大家絕對可以放長雙眼,睇下《2077》要用幾多年先變成完美版啦!

請接受以下私隱政策及免責聲明,以示你同意am730內之私隱政策及免責聲明。了解更多
接受