Ad Block Ad Block
財經
2020-05-13 15:27:00

唔會因為樓價下跌15%而賣樓

分享:

近日我可能犯了太歲,滙豐控股(005)唔派息,股價又下跌,不少網民在網上質疑我叫人買滙控,雖然有不少知名評論員,甚至報社社長替我講好說話,但似乎未能完全平息,不時有留言問我點解叫人買滙控,真的是令我啼笑皆非。

如果大家近日有留意地產評論預測,除了一些心境非常灰,對樓市前景睇得非常暗淡的評論員,預期樓價會下跌30%,甚至40%,其他大部分都只預期下跌15%。我問當中幾位,預測樓市點解咁保守,他們話有見我在滙控事件被網民攻擊,不如講得比較保守一些,保守並不是下跌百分比,而是唔會有業主知道樓價即將下跌15%而賣樓,就唔會畀人鬧。

除非那些業主永遠不賣樓,否則在扣除有關使費以及印花稅之外,就算有得賺都唔會太多,不過,今次真的是好彩預測樓市只會下跌15%,如果話跌30%,而又真的有人相信而賣了樓就真的大件事,講都冇人信,樓市在一片劈價聲之下,中原指數反而上升,今次大家算執番身彩,至於預測樓價上升15%又是否能夠吸人去買樓?這條問題本身有問題,現在大多數專家均預期樓價會下跌15%,而事實上樓價上升,如果大家話樓價有15%升幅,很可能會令樓價升到癲。

所以,就算睇好樓市,我都唔敢講得太好,否則樓市上升,又會被那些有錢唔敢買樓的人鬧到失暈。

作者為紀惠集團行政總裁

文章轉載自「AM地產」facebook:
http://bit.ly/2wls4EF

請接受以下私隱政策及免責聲明,以示你同意am730內之私隱政策及免責聲明。了解更多
接受