所謂「一粒老鼠屎，壞了一鍋粥」，聽落老套但類似事件不斷出現，最近發生在蘇超球會些路迪。全球人類抗疫已經最少半年，社交距離和居家抗疫措施令人疲憊，歐聯和NBA搞「bubble」完全隔離外界以保障健康，地方聯賽也嘗試不同程度的復賽，至少可為居家大眾提供娛樂。不過，些路迪後衛保連高尼麥邦保隱瞞曾擅自出境到西班牙，其後沒有遵守隔離令，並在一場比賽中後備上陣，此舉隨時令整個蘇超再度陷入停頓。從任何角度切入，這位球員都是不負責任的，而些路迪領隊連儂亦表明：「It will be “very difficult” for Boli Bolingoli to be accepted back into the Celtic dressing room。」因為一個人的自私，蘇超也許要再次停賽，更直接令些路迪爭奪聯賽冠軍及來季歐洲賽資格「凍過水」。
BBC用「livid」形容些路迪領隊連儂，好香港嘅講法就係「嬲到hihi」。香港人應該都好明白箇中感受，千方百計說服你去驗，但係源頭唔堵塞，仲可以轉機添，咁我驗完又有咩意思？歐聯同NBA都識搞bubble，係唔係阿當施華好似仲適合做港官？哈哈，當然係天方夜譚啦。