本地運動員又再令香港人熱血沸騰！曹星如不負眾望擊敗日本嘅向井寬史，出道至今21連勝，Rex用拳頭同汗水，感動到好多香港人，無論係睇開拳賽嘅拳擊愛好者，定係從來唔睇運動嘅嬸嬸，都一樣為之興奮。這一戰正好說明主場之利嘅厲害，好多香港明星、名人拱照，十幾萬人睇網上直播，8千人現場打氣。Rex出場時，觀眾一齊大嗌佢個名，廿支寫住「神奇小子」嘅旗幟尾隨，聲勢浩大。仲有香港女子足球代表隊，佢哋喺友賽主場2比0 贏新加坡，為下個月嘅亞洲盃打咗支強心針。陳詠詩同鄺穎茵射入嘅世界波，應該令入場嘅千幾球迷覺得值回票價啦！係咪正能量十足呢？快啲去做運動，保持熱血啦！