Ad Block Ad Block
體育
2021-03-09 04:30:00
日報

阿迪達棄「兵」狠又準

分享:

英超現役最年輕領隊,阿仙奴嘅阿迪達勝在用人果敢,疫情下傷兵好少,等新星再熟同繼續換血,下季會係收成期。睇返冬窗成功放走嘅奧斯爾,喺土超費倫巴治6戰聯賽0入球0助攻,啱啱仲要抬出場有排唞,放去德甲包尾史浩克04嘅守將哥拉辛拿斯同梅斯達菲,下季或踢德乙,唔聽話嘅叛逆法國小子古安杜斯借去哈化柏林,隊波跌至尾四。借去西甲名門馬體會嘅盧卡斯托拉拿被當大後備。借去英超下游西布朗同紐卡素嘅英格蘭土炮美蘭尼爾斯同祖爾韋洛克,有待磨練。呢班棄兵,放走冇損失。
 

球隊短期成敗最大變數始終係防中,新簽嘅湯馬士柏迪常傷未夠好,搞到用技術粗糙嘅艾利尼、上一圈歐霸鬥賓菲加兩次犯錯嘅丹尼施巴路斯,或者躁底又高章嘅格列沙加都唔穩陣。歐霸已成淪為聯賽中游嘅阿仙奴,今季最後目標,好在Fit返嘅射手奧巴美揚禮拜四會對住借咗去奧林比亞高斯嘅舊隊友中堅柏柏斯達夫普路斯,呢著可能連「分手」狠夠準嘅阿迪達,都估唔到嘅今屆殺著之一。

請接受以下私隱政策及免責聲明,以示你同意am730內之私隱政策及免責聲明。了解更多
接受