Ad Block Ad Block
體育
2021-03-23 04:30:00
日報

「幼獅」超班

分享:

進入今年首個國際賽期,連曼城嘅戰術大帥哥迪奧拿都話,未來數天要真正休息,隔絕足球,好似贏到好攰;咁球迷大癮仍要尋刺激,不妨留意下U21歐洲國家盃決賽周。
 

另一國際賽期主菜、世盃外歐洲區首輪賽事,多數強弱懸殊,球星隨時hea踢;好似「三獅兵團」英格蘭一周內鬥聖馬力諾、阿爾巴尼亞同波蘭,咁嘅賽序,比起睇無敵嘅曼城更無癮。反而「幼獅」冇咗升呢嘅布卡約沙卡、菲爾科頓、迪格蘭賴斯同美臣蒙特幫手打世盃外;仲有伊美路維、伊比爾治伊斯同射手格連活特同尼基迪亞壓陣。其中貴為英格蘭U21史上最強射手尼基迪亞,近排喺阿仙奴失寵,淪落要踢預備組,再係咁落去隨時季尾被高價賣走;到時失去大會做靠山,呢類球員喺中下型班通常孭唔到飛。如今尼基迪亞必是「幼獅」中體力最夠嘅射手,可應付明天起密集打3場攻瑞士、葡萄牙同克羅地亞U21,助國家隊爭頭兩名入5月尾嘅8強淘汰賽;到時嗰班未夠23歲嘅大國腳,隨時回歸爭霸,「幼獅」實力更超班。

請接受以下私隱政策及免責聲明,以示你同意am730內之私隱政策及免責聲明。了解更多
接受