Ad Block Ad Block
體育
2020-12-11 04:30:00
日報

內地都要FC?

分享:

與香港的聯賽頗有淵源的廣州富力,因應內地賽會「去商業化」的要求,大有可能易名。眾所周知廣州除了富力還有恒大,正確一點應該是「廣州恒大淘寶」,當然也必須配合旋律改名,並決定了以「廣州隊」名義比賽。一個海港只有一個海港城,一個廣州豈能有兩支廣州隊?富力做唔到「廣州隊」,想改名叫「藍獅」,但係又因為「諧音」和「貶義」原因被駁回,哈。
 

內地聯賽球隊名稱普遍有企業元素,江蘇蘇寧、上海申花、北京國安等等都是例子,據說球隊們都為改名一事而煩惱,最後可能乾脆全部叫「足球俱樂部」,統統加「FC」算數,好嘢!他日有中超球會再贏亞冠盃,球迷就可以同日本人講返句「你唔會夠我嘅FC鬥」。


其實日韓兩地的足球隊很多都是由企業球會起步,浦和紅鑽最初就是由三菱成立的。當然球會名稱不是叫浦和三菱,今日我們熟悉的 Urawa Reds,是將三菱的其中一個菱形加入隊徽,球隊取名red diamonds,也就是浦和紅鑽,既兼顧到歷史淵源,也不會牴觸規例,其實稍加心思,就唔會咁多FC啦。

八十後 演員,電台主持,標準球迷,從小睇波變成夜鬼,偏偏主持《晨光第一線》。閒時嗒兩啖威士忌,之後絕對唔揸車。

請接受以下私隱政策及免責聲明,以示你同意am730內之私隱政策及免責聲明。了解更多
接受