Ad Block Ad Block
體育
2021-01-29 04:30:00
日報

單天保至尊?Out咗喇

分享:

華盛頓可能真係有個巫師,不過應該唔係自己友……

3勝11負敬陪NBA末席,華盛頓巫師雖然擁有兩位全明星後衛「西書」和「喪Beal」坐鎮,但戰績之壞根本出乎意料。場均35.4分、5.3個籃板、偷波1.4次、4.9次助攻,這是Bradley Beal迄今的數據,堪稱全能卻又令喪Beal本人打到懷疑人生。當然,我都會懷疑,「單天保至尊」仲有可能咩?細路仔都識得講,籃球足球係團體運動,無話一個人打得晒嘅,而且現代運動項目更講求科學分析和數據,由飲食作息到戰術部署都非常嚴格和有系統,哪怕你其中一位球員「勁到飛天」,數據和統計總是能夠找到一隊球隊的弱點。絕對不是神化所謂「數據」的企圖,但事實是以前研究對手比賽的錄影帶也是收集數據的方法,只是現在科技先進,球員落場都孭住部GPS統計跑動和體能消耗,就算你有喪Beal一般的數據,對手卻早已洞悉到球隊的軟肋。

不過電影《Moneyball》裡面,由Brad Pitt飾演的棒球教練也是用科學和數據去營運球隊,但運動比賽始終是屬於「人」的,正如曼聯也可以輸給錫菲聯,單天保至尊可能行唔通,但一味靠科學也不是王道。 唔再係電台主持,自己搞YouTube 頻道。標準球迷,從小睇波變成夜鬼,兵工廠係我信仰。

請接受以下私隱政策及免責聲明,以示你同意am730內之私隱政策及免責聲明。了解更多
接受