孫興民季尾或離熱刺。
孫興民大約年半前，喺英超一記從後攔截，弄斷愛華頓中場安祖高美斯嘅足踝，他當場內疚痛哭。啱啱熱刺輸埋英聯盃，延續2008年後「盃荒」；就算有英格蘭第一中鋒哈利卡尼，加埋今屆各項賽事已錄得20球16次助攻嘅孫興民，跟曼城鬥都係死守冇得攻。老孫賽後再次失落痛哭(圖、互聯網)，係咪都考慮下提出跟熱刺分手，同卡尼各尋另一高峯。熱刺因為興建新球場，據報係全歐洲現時孭債最多嘅球會，高達11.17億英鎊，另一支破10億債嘅係巴塞。冇門票收入，新場孭債開支大，剛又炒埋領隊摩佬，賠過千萬鎊；今屆想入前4又好勉強，來屆收入唔會多，熱刺喺新領隊登場前，應狠心變革。「卡、孫」呢對孖寶打拚多年，已保證唔到熱刺有機會再攞盃，而轉會費估值大約保守計共1.5億鎊；球會何不放走起碼其中一人，熱刺減債換血，未來才有出路。
老孫今夏29歲，先離隊機會比卡尼大，意西甲係下一站；呢位聲稱退役後先會拍拖嘅感性國民偶像，係事業同情路上，肯主動一啲，都會係熱賣搶手貨。