Ad Block Ad Block
體育
2021-01-19 04:30:00
日報

英超半季爭霸啟示錄

分享:

雙紅會悶戰一場,輪到曼聯呢期上位,都係今季疫情下混戰冇重心嘅寫照。史上最低分英超冠軍正是96-97年球季的曼聯嘅75分,當年係現任領隊蘇斯克查首季加盟紅魔,即起作用嘅一季;該屆最後拋甩紐卡素同阿仙奴7分封王,但今屆亂局下,只見重開半個月嘅轉會窗,涉及流入英超嘅當打好手,近乎全無,可見各隊「水緊」,更添爆冷因素。英超前9位暫時只差8分,紅魔發揮唔穩定難放甩,更大有機會爆出新低分兼黑馬冠軍。

要博亂偷雞,今屆有3大重要指標:專注、得分點多及球員紀律性。賽事咁密,冇份踢歐洲賽嘅愛華頓最佔優;但另一藍軍李斯特城3方面條件都好,盃賽包括歐霸往往收起射手占美華迪同占士麥迪臣,力攻聯賽。講得分點,李城唔只華dee,今屆英超新星哈維班尼斯同全能中場泰利文迪上位極快。講紀律,占士麥迪臣上仗入波後嘅「保持距離」慶祝方式,反映主帥羅渣士紀律嚴明。「狐狸」今晚「雙藍會」夠決心掃低車仔,應唔只過吓「一哥」癮咁簡單。

請接受以下私隱政策及免責聲明,以示你同意am730內之私隱政策及免責聲明。了解更多
接受