奧運未完，英超走近，本周六先由李城鬥曼城嘅社區盾當熱身。球員轉會窗月尾先關上，真正列強買人未急；但近年英超戰場，冇錢萬萬不行，但走得快，成功唔易複製。利記巧用數據，不最重名氣，換來一季成功；但當中堅支柱「打柴」一季，球隊上季表現直線下滑，今夏暫買德甲嘅法國年輕中堅，入貨團隊自信不減。車仔上季狂購名氣兵，但林伯教唔掂；一換杜曹，封王歐洲，係佢本事，但喺英超戰場要求其實更高，車仔同曼城搶緊射手，今屆成敗關鍵。
曼城同曼聯喺英超始終最有霸氣，買兵搶人闊綽又高調，曼聯先入查頓辛祖同華拉尼，成隊波嘅名氣再升呢；蘇B雖有費Sir力撐，但今屆要盡騷哥利保住帥位。曼城上季簽入超強中堅魯賓戴亞斯，係封王英超嘅完美拼圖，但輸歐聯俾車仔，唔會甘心；如今喺轉會市場未出過手，先係刮起狂風巨浪嘅前奏。兩位分別度假完畢嘅英格蘭大將哈利卡尼同基亞利殊，已表態想投「藍月」，打包要2億鎊，成與敗，好快開估。