Ad Block Ad Block
體育
2020-11-24 04:30:00
日報

3個定5個

分享:

英超季前決定走回頭路,由一場比賽最多可換5個變番3個,結果英超傷兵統計,接戰8輪後,球員肌肉受傷人數對比上季同期大增16%,專家指係因季前訓練唔夠同賽期太密有關。英超暫時最長傷兵名單,首推衛冕嘅利物浦,啱啱大炒李城傷埋防中拿比基達,後備席發現有一位「牛奶咀」中場奇勒臣頂檔,未踢過英超。喺高洛普帶領下,愈踢愈勁嘅全能中場韋拿杜姆透露過,隊波今季嘅操練比上季更辣,波士要求更高;傷兵成堆,但換來成績係英超暫時同熱刺放頭,歐聯分組賽3戰全勝,新人、新兵喺季初有機會上位。

一場換3個定5個,未必主導傷兵人數同成績,關鍵係考領隊喺呢個亂世下嘅膽識。紅軍新人爭氣,而車仔公認兵厚,領隊林柏特果敢出過26人,其中19人出場超過100分鐘,佢哋暫時傷兵極少,愈踢愈多變化,有利長途賽。反對換5個嘅狼隊領隊紐奴,隊波今季用嚟用去都係嗰15、16人,隊波踢法帶沉悶;箭頭魯爾占美尼斯踢足頭8場720分鐘,咁用法如果傷咗,狼隊戰力減半。

請接受以下私隱政策及免責聲明,以示你同意am730內之私隱政策及免責聲明。了解更多
接受