Ad Block Ad Block
體育
2021-05-04 04:30:00
日報

PSG夢難圓

分享:

有錢係咪一定攞到歐聯?如果講緊係巴黎聖日耳門呢隊中東油王球會,答案一直否定了近十年。隊波有巴西巨星尼馬同法國天之驕子基利安麥巴比喺前線壓陣,嚟到今屆季尾淨返3輪聯賽,PSG仲俾里爾騎住1分,想近9屆法甲8奪錦標都係五五波;更大件事係恨贏到發燒嘅歐聯,如今4強遇上實力更全面嘅「中東同路人」曼城,今晚過後可能又係要繼續發呢個未完嘅夢。
 

疫情下,歐洲5大聯賽嘅列強實力明顯拉近咗,踏入5月先有國米啱啱提早封王意甲,一向喺法甲大超班嘅PSG今屆喺國內表現明顯跌watt,喺歐聯主場更連續3圈不勝。PSG一直稱霸唔到歐洲,欠一個冠軍教頭係主因,前帥杜曹今屆喺車仔先發火發熱,現任普捷天奴教十幾年都未真正捧個重要獎盃。仲有隊波近年太側重前線幾把尖刀,中場唔夠分量;只要你睇下曼城同車仔,依家嘅無鋒陣發展到中前場個個攻得守得,相對踢法一板一眼嘅PSG同另一4強球隊皇馬較吃虧。睇下英超內訌打歐聯決賽,係咪3季做到2次。

請接受以下私隱政策及免責聲明,以示你同意am730內之私隱政策及免責聲明。了解更多
接受