柴醫去講健康講座，有些聽眾對保健品如癡如醉，覺得這樣就是長壽的秘訣，特別有一位聽眾曾經一日食100粒深海魚油，究竟魚油是否仙丹？
聽眾：柴醫，你覺得魚油有無益？
柴醫：魚油中的Omega-3，曾經有學者提出愛斯基摩人食好多深海魚穫，但心臟病病發率好低，美國心臟病協會也在2002年，表示Omega-3可減低心臟病發風險。
聽眾：即係好嘢喇！我試過一日食100粒！
柴醫：咁多？其實無一樣嘢，食得愈多愈好，食太多有機會增加出血風險，或者可能導致血壓過低、嘔心等不良反應。
聽眾：但科學家都話好！
柴醫：身體是一個整體，你唔可以因為保護個心，而犧牲個肝，這些油也會增加肝的負擔，過量服食，肝有機會受損。你咁相信科學家，你更加要瞭解，有些科學家只是幫藥廠做有傾向性研究。
聽眾：咁有無科學家話魚油唔好先？
柴醫：2018年7月，「科克倫資訊系統評論(Cochrane Database of Systematic Reviews)」分析超過11萬2千名受試者試驗數據後發現，補充Omega-3的實驗組死亡風險是8.8％，而沒吃或吃得少的對照組死亡風險則是9％，兩者並無明顯差異。
聽眾：一時話有用，一時話無用，我好亂喔！
柴醫：其實你可以食新鮮的魚，裡面都有Omega-3, 更有各種各樣的營養，例如鐵質、蛋白質等，不一定花錢買這些深海魚油呢！用嚟買士多啤梨啤梨蘋果橙，可能仲健康！
聽眾：我要冷靜下……屋企仲有好多樽，點樣賣畀親戚朋友呢？😔😔😔