常見催眠治療行業認受性十問十答。
絕對係最落地最真實的。
1.催眠治療學嚟有咩用？
人生總有高低，學習一門心理技巧記可幫自己在低谷時懂得逆境轉身，為家人朋友或有需要人士提供幫助，亦可按照自己的意願選擇是否投身市場成為執業治療師。
2.催眠治療有咩功效？
催眠治療是心理輔導的其中一種療法，多年來已被證實有效處理因情緒而帶來的身心症狀，包括紓緩焦慮抑鬱及腸易激等情況。
3.催眠治療與其他治療有咩分別？
坊間很多時候對催眠都有誤解甚至誇大功效，其實催眠治療就是眾多心理治療模式的其中一種，在早期介入能夠有效防止情緒惡化，必要時更可與其他專業如臨床心理學家丶精神科醫生丶輔導員相互協作。
4.請問是否國際認可？
如果有一張外國出的證書＝國際認可，你可以話係。
問題係你希望認可啲乜嘢？學歷還是地位？
一張技巧性的證書並不等同常規學歷，如你需要一個學歷應受，請在香港或不同地區修讀當地認證的大學/大專院校。
如果你希望讀完催眠治療等於一個律師醫生或臨床心理學家，抱歉係沒可能的，而且亦不合邏輯。
5.政府唔認可讀嚟有咩用？
首先有冇用唔係政府認證與否，而係你想讀嚟做啲乜？
你想學一啲技巧幫助自己或者他人基本上同政府認唔認受冇乜關係，你需要嘅係睇下你想報名嘅機構或者導師模式是否適合自己。
政府認可咗，你入學的門檻(包括學歷及學費)相對就會提高，你睇睇中醫由未有註冊到政府註冊後就可以知道了。
6.如何投身私人市場？
如果你在香港希望投身催眠治療的私人市場，通常都是自僱形式，或在不同的中介機構上登記。(現在很多中介機構已有催眠治療服務)
7.如何開業？
在香港通常教導催眠治療的機構都會有一系列的支援給予學生開業，可以先致電查詢有何後續支援。
8.學習催眠治療可以自我療愈嗎？
可以，但要視乎情況。
你會透過學習催眠治療學懂一些自我療愈工具，亦可以透過學習助人的過程中令自己有所成長。
但如果你正進行任何精神科或心理治療，建議需先諮詢你的治療師，畢竟學習催眠治療需要很多心力。
9.請問有持續進修基金嗎？
抱歉，香港應該暫時未有催眠治療課程可以有持續進修基金資助。
10.我想學習催眠治療有冇乜嘢需要事前準備？
有最少三樣，
一個願意學習嘅心、
一個願意分享嘅心、
一個願意聆聽嘅心。
麻煩將你的心三為一體，就可以了。
希望今日的分享能夠幫到有興趣學習催眠治療或成為催眠治療師的朋友參考。
作者為香港催眠輔導中心創辦人、催眠治療導師Timothy Lam