我食開中醫

元朗阿婆身經百戰，百病纏身。

阿婆：我食咗好多西醫，一路都有食中醫。

柴醫：食人肉犯法㗎！你本身有甚麼病？

阿婆：你講得出我都有。

柴醫：😂😂咁_誇張啊？

阿婆：我有血壓喇、糖尿喇、類固醇喇、三支甘油條喇，最近有埋心臟添。

柴醫：高血壓、糖尿病，膽固醇高？三酸甘油脂高？

阿婆：係啊係啊，還有三油脂高！

柴醫：係人都有心臟㗎喎，阿婆！你係咪想講心臟病啊？

阿婆：係啊，醫生已經幫我排期通波波。

柴醫：我開啲活血化瘀藥畀你喇。

阿婆：你放膽開喇，我食慣中醫！😂😂😂

柴醫忽然覺得有點周身痛……