醫好我請你食飯

阿伯雙腳濕疹，第二次覆診。

柴醫：阿伯，感覺點啊？

阿伯：差唔多。

柴醫：痕唔痕？

阿伯：唔痕喇喔。

柴醫：唔痕已經好好喇！你仲話差唔多？

阿伯：仲係紫紅色。

柴醫：顏色可以慢慢退啦，最緊要止到痕。

阿伯滿心歡喜離開，離開之際，大大聲説：醫好我請你食飯！

出面的人聽到都笑了。😂

柴醫客氣尷尬回應：多謝晒！😳

備註：其實應該如何回答才不失霸氣？我唔想同阿伯食飯，因為對其他阿婆唔公平。😂😂