Ad Block Ad Block
娛樂
2022-11-18 04:30:23
日報

今期流行麥沛東

分享:

「屈我啦,屈我啦,我冇問題㗎我!」

這幾句在電影《正義迴廊》官方預告裡閃現兩秒的對白,因為「擁有」解釋或回應世上所有事情的「能力」(即萬能key)。尤其是新聞(譬如亞洲七欖播錯國歌事件),令近年長時間身處「情緒低氣壓」香港人感同身受,結果伴隨電影票房持續上升(截至11月16日累積票房達1,872萬)而在網絡世界hit爆,大量梗圖(又稱meme圖)湧現,更有本地插畫家(Joker & Ghost)專誠繪製stickers供網民下載,而「出盡奶力」演繹上述三句對白的麥沛東(麥東)亦人氣急升。

Ad Block
今期流行麥沛東 今期流行麥沛東 今期流行麥沛東

日前參與《正義迴廊》慶功宴,席間與幾位行家(資深記者、影評人、YouTuber)傾談,大家都不約而同認為:麥東是好戲的,甚至有力衝擊金像獎。事實上,早在《媽媽的神奇小子》(2021)阿雞一角,他已毫無保留地大銀幕前施展渾身解數,令觀眾留下深刻印象(與楊偉倫、胡子彤一同扮演蘇樺偉的田徑隊隊友)。來到《正義迴廊》飾演唐文奇一角,更是光芒四射,到底這位「拍戲新丁」從哪塊石頭爆出來?

9月底某個晚上,我和麥東在高先電影的辦公室裏對談,問他何時發現自己想成為演員,他說早於中學時代已有這個念頭:「參加(過)劇社,發現原來我係有呢方面(能力),好似做呢樣嘢比較叻,同埋好鍾意人哋望住我啊,或者其實都係同好多人一樣,鍾意嗰種俾人肯定嘅感覺。」

中學畢業後,入讀城大副學士課程,因校內有劇社,順理成章入團,往後發現自己不僅對演戲熱誠依然,更比其他人得心應手,愈演愈有信心,遂定下未來目標:「想試下考入演藝學院!」偏偏等到第三年才獲取錄,麥東承認這個階段頗為氣餒,家人甚至試過提議,若第三次報讀APA仍然失敗,就保送他到台灣或美國讀書,「父母咁支持我,係因為佢哋第一次見我做舞台劇嘅時候,見到我好享受……屋企人最了解我,佢哋會覺得,我細個玩玩具,都係玩一個鐘之後就唔玩,但個仔喺台上面真係唔係(得)三分鐘熱度,加上又見到我考三次,就慢慢覺得我真係愛(演戲)呢樣嘢。」

Ad Block

人生經驗告之,上天從來不會那麼輕易讓你得到你想得到的,回望過去,麥東明白那時候何以「三顧草廬」之後,才獲得APA戲劇學院的「入場券」,歸根究柢,彼時仍有退路,內心那團火未夠勁未夠猛。「第一次(報讀)我真心係玩玩下,我唔入,咁都仲可以讀副學士啊,同埋自己都唔係好了解戲劇係乜嘢。」第一次面試時,有一幕相當深刻,「好記得第二round,要做學校指定嘅獨白,但我記性超級差,我拎住份獨白,入到去(面試)嘅時候唔記得咗,我直頭放棄,我見到啲panel(面試官的反應):『吓?你未做㗎喎!』我懷疑嗰次係咁樣(不獲取錄)。」

第二年再報讀,仍然跟成功只差一點點,「死因」相同。「呢次我去到waiting list(候補名單),喺技巧上應該冇問題嘅,pass晒,去到最尾一個round又係見panel,同佢哋傾偈,可能我又係覺得仲有退路,我咪讀埋嗰一年嘅副學士囉。可能就係有少少覺得冇乜所謂,『唔入咪唔入囉』,係有呢種態度俾啲panel見到,所以去到第三年我覺得唔可以再係咁,因為知道自己冇退路。」就連面試官也好奇:點解要咁堅持?「我好坦誠咁講,頭兩次我係未ready,我覺得我今年ready喇,我可以嚟讀,最後就入咗。」

Ad Block

聽到麥東這樣講,最直接的反應是:唓~咁頭兩次你都唔係好「愛」啫?!他也沒有迴避問題,如實作答:「頭兩次(面試)純粹係我好鍾意呢樣嘢,但未有決心令佢變成一個事業啊,或者(當時)唔係諗到咁遠,純粹因為嗰種台上嘅優越感而滿足。你知演藝學院啲老師好叻㗎嘛,就睇穿咗我囉。」

2010年入讀APA,2014年畢業,之後加入中英劇團成為全職演員,直至2019年初離開,變成自由身演員。轉眼12年,對於演戲這回事,麥東承認想法有變:「以前同而家嘅諗法好唔同,以前讀書嘅時候就係嗰種純粹想帶啲歡樂俾觀眾,我想人哋覺得我做得好好,但我慢慢開始發現唔止係咁樣。」訪問那段日子,麥東剛好要演出舞台劇《淘汰遊戲玩謝你》,「有位觀眾寫問卷話:『因為你做嘅角色好似我,最終角色咁選擇,令我而家知道點樣去選擇一啲嘢。』嗰種感動係,啲老師成日話生命影響生命,以前會覺得:哎呀,你唔好咁搞笑啦,但慢慢我發現呢樣嘢原來係真㗎。即係我能夠做一個戲劇,(能夠)令你生活上或人生上有睇法嘅轉變,或者令到你可以做到一啲嘢,咁我就開心喇。」 

訪問攝影:游大東 
相片:高先電影

Ad Block
請接受以下私隱政策及免責聲明,以示你同意am730內之私隱政策及免責聲明。了解更多
接受