唔少香港人習慣出外用膳,但其實在自己家中開飯,先至算係幸福。時代廣場於7月14日至8月6日舉辦的「笑聲笑聲 滿載溫馨」展覽,找來9位熱愛香港的朋友,以幾十年前的食譜和廚房做主角和你細說「一餐屋企飯」的故事,可以話係本土過本土。呢個展覽將會展出1:12微型香港經典做節菜式、以迷你烹飪形式拍攝80年代的香港家庭菜錄影、3 個1:12 微型香港80年代的廚房 、70至90年代著名烹飪節目主持的食譜、大廚陳榮師傅半世紀前的食譜等等。
至於9位朋友包括: 方太(方任利莎)、中華廚藝學院 – 黃亞保師傅、 煮吧!煮飯仔- 迷你烹飪3人組、陳慧姬- 1:12微型食品藝術家、黎熾明 - 香港微型藝術家、張順光 及劉銓登 -舊物收藏家。其實同親人在家吃一餐飯,就算是鹹魚白菜,都會感受到幸福味道,縱使日月穿梭、物轉星移,一餐屋企飯的味道超越時間,細水長流。