am730有份主辦的跑步活動又來了，就係「中原慈善跑嘉年華2017」，一個集親子、健體的慈善跑步活動，今次繼續由中原地產及中原薈冠名贊助及主辦，而受惠機構仍是香港盲人輔導會。活動定於明年1月8日(星期日)沙田科學園白石角海濱長廊舉行，已經開始接受報名，10月31日前報名仲有早鳥優惠㖭！ 今次嘅特色係加入親子新元素，設有1公里親子跑，每組參加者由一名家長及一名4至12歲小童組成，一齊完成1公里賽事，唔太長又唔太短，Ray覺得剛剛好。而主力賽事仍然係10公里跑，沿科學園海邊來回跑，邊跑邊可欣賞吐露港美景，亦設有較短程的3公里跑，適合不同需要的參加者。另外，大會設有奇服歡樂跑，令一些愛好以特色或出位服飾參加賽跑的人士，多一個表演機會。 講明係慈善活動，善款點用？扣除開支後，將全數捐予香港盲人輔導會用作優化其視障人士圖書館及口述影像服務。 唔好等啦，報名費每人250元(10月31日前200元)，而親子跑每組380元(10月31日前350元)。參加者可獲贈精美T恤、環保帆布袋、毛巾等禮品。 網上報名及詳情：www.centalinecharityrun.org 查詢電話：3408 3899
Ray~投身傳媒工作多年，由市場研究做起，一直與公關、廣告、新聞界結下不解緣，心境永遠青春。