九巴新增下層顯示屏預知上層有冇位

搭巴士最怕行到上層，點知原來無位。九巴新增一項貼心又實用服務，就係於車廂下層裝有顯示屏，俾乘客知道上層仲有幾多座位，咁就唔怕「白行一趟」啦。九巴仲測試緊新技術，預計今年有500架巴士加裝新系統，明年中增至2,000架。

一向關注交通問題的立法會議員田北辰昨率先試搭讚好，他透露新系統係以車廂樓梯裝有紅外線感應裝置，當乘客行樓梯去上層嘅時候，樓梯嘅感應器會感應到有人上去，顯示屏嘅座位數目逐一減少；到上層有人落樓下，座位數目就會回升。