早幾日於網上見到一款伸縮八達通，咁趣致嘅創意發明，Ray仲以為係民間自行組裝，原來係真官方出品。八達通昨日公布呢個新產品細節，講明係為駕駛人士而設，話會令出入停車場或者過隊道時更輕鬆自如。又係嘅，Ray一早已發現香港好多停車場出入口的設計，唔會為司機著想，拗完個彎就唔夠手長嘟卡，最誇張要開門落車先至拍到卡，呢個新產品應該好有市場。
伸縮八達通係將成人八達通巧妙地納入「手掌」外形中，能伸縮之餘又輕巧方便，還可隨時取出內置的成人八達通，增值更方便，將於11月2日開始在全線OK便利店及八達通網上商店公開發售，每款售價港幣128元，不設按金及儲值額。