婆媳二人一身應節look。
昨日人日兼情人節，沙田馬場有馬跑，其中第7場係鄉議局90周年盃。鄉議局主席劉業強(Ken)致辭時，祝大家馬場得意、情場得意，並呼籲大家支持馬會，行善積德。劉主席席間亦提供貼士，Ray響應阿Ken呼籲，跟佢貼士落小注怡情一番，佢貼隻1號果然跑出頭馬，阿Ken眼光真係奇準。 鄉議局前任主席劉皇發及其子現任主席劉業強的夫人昨日亦有現身，婆媳都一身紅噹噹look，十分應節。發叔早前入院，大家都好關心佢健康，劉太話發叔健康OK，但因為農曆年間天氣比較凍，所以諗住過埋人日之後先接佢返屋企；希望發叔身體健康，早日康復出院。
Ray~投身傳媒工作多年，由市場研究做起，一直與公關、廣告、新聞界結下不解緣，心境永遠青春。