太興4款罐裝飲品還原經典味道 am730免費請你飲

有人朝早一定要飲杯咖啡，而阿Ray就一定要嘆返杯茶餐廳奶茶！太興嘅罐裝奶茶自推出之後就大受歡迎，將太興奶茶倒入罐，方便唔少日理萬機嘅打工仔。太興罐裝飲品有4隻口味，分別係奶茶、咖啡、鴛鴦同檸檬茶，每隻都各有特色，只要一罐在手，任何時候都可以飲到太興飲品嘅經典味道喇！

奶茶嚴選多種斯里蘭卡嘅茶葉，配以荷蘭第一品牌嘅進口全脂淡奶，口感細密綿延；咖啡採用多款高品質咖啡豆，經過精湛嘅烘焙技術，創造出太興獨有嘅咖啡配方；鴛鴦結合奶茶嘅幼滑綿延同咖啡嘅香濃醇厚，混合出黃金比例嘅鴛鴦；太興更特別為罐裝檸檬茶重新調配出輕澀茶底，檸檬清爽嘅酸甜味道加埋香濃嘅茶葉，搭配出完美組合！

太興罐裝飲品現已喺太興分店及各大零售點上架。am730一連5個星期三免費派發以上4款飲品畀大家試飲，攞報紙記得攞埋喇！

10月19日   鰂魚涌A出口
10月26日   灣仔告士打道天橋(往入境事務大樓)
11月2日   中環站A出口
11月9日   觀塘A1出口
11月16日   旺角E1出口