看看月曆，還有個多星期便到農曆新年，我相信各位都在準備辦年貨，今次要介紹的是非常傳統的茶泡及芋蝦。
過年食品隨時代變遷而簡化，坊間已很少做茶泡及芋蝦，惟獨有八十多年歷史的上環陳意齋仍保留此傳統。以前年初一早上，新袍要向家翁及家姑奉茶，連隨奉茶食物，便稱茶泡。茶抱內的食材全是農作物，包括芋頭、番薯、花生及蠶豆，炸時要控制火候，當中以番薯是最難炸。番薯糖份最高，炸時若上糖多，顏色轉深不好看，又容易燶，上糖少會軟身不夠脆，但老店做得剛剛好，金黃極脆，用輕力已可弄碎，而其他亦炸得香口微鹹，佐茶佐酒一流。據知以往茶泡有慈菇片，但慈菇炸後有少少苦味，不受歡迎下便慢慢消失。另一款全是人手製作的芋蝦，工序比茶泡更繁更多。最初以為有蝦才叫芋蝦，怎知是外貌像蝦球，或取其諧音先叫芋蝦。農曆年前的芋頭乾身，夠粉，炸後才挺身，先把芋頭刨絲，漂水，後加少少芝麻及糯米粉，一人放落鑊炸，一人用撈篩不停轉動成球形，一人看火，一人夾起，工序繁多，以前有茶樓做，現在我知只有兩三家店舖做，食起來鬆化香脆，惟極易碎，不油膩，比茶泡好食。兩款價錢雖是稍貴，但全是人手香港製造，而且每年只做三四星期，值得一試。
茶泡及芋蝦是南海、順德及番禺的傳統食品，能在香港保留下去是非常難得，而過了尾禡後(農曆十二月十六)便成搶手貨，師傅說要視乎食材數量，不保證賣到年廿九，故有興趣的要盡早買。上次說，有沒有想過一年內你做過甚麼，今次是有沒有在新一年做好準備呢？(P.S 銅鑼灣駱克道最後一家舊式麵家利苑粥麵，因業主瘋狂加租而無奈結業，可惜！)
陳意齋：香港上環皇后大道中176B號地下
電話：2543 8922、2543 8414
四處搵食，尤喜懷舊食物，愛好下廚，搵人做白老鼠。