香港每天產生超過3,000噸廚餘，除了剩菜剩飯外，煮食過程中棄置的食材亦佔相當部分。「惜食」，其實可以從多方面入手。最近就有一項名為「#識講惜食爆橋營」48小時惜食Social Media市場策劃大賽，由香港迪士尼全力支持，連同其社區合作夥伴非牟利機構膳心連，與香港青年協會賽馬會M21舉辦，透過激發年輕人創意，一同「爆橋」，運用社交媒體推廣「惜食」文化。比賽喺日前終選出最強團隊──城市大學市場營銷學系隊伍，佢哋將會獲得1.5萬元資助金，並到香港迪士尼實習，夥拍其市場策劃團隊，實踐佢哋設計嘅宣傳計劃。
Ray聽講賽事報名情況踴躍，共有17隊來自不同院校的大專生及18至25歲年輕人報名，經過面試後選出8支隊伍，喺本月14至16日參與48小時密集式培訓，在社交媒體市場策劃專業人士、資深新媒體製作人身上取經後，就要喺指定時間內設計及建立社交媒體平台，將惜食訊息爆發開去。大會今次仲邀請了藝人王宗堯、游學修及《惜食香港》運動的宣傳代表「大嘥鬼」客串參與部分隊伍的拍攝。
講番勝出隊伍嘅實力先，佢哋以「識惜識食 真•惜食」為主題，拍成短片，講由游學修飾演嘅男主角明白內在美的重要，最終選擇一個懂惜食、愛環保嘅伴侶，結果喺14小時吸引超過1.4萬瀏覽人次，接觸群眾超過3萬人。另外有兩隊分別贏得創新及合拍團隊獎項，亦獲得在香港迪士尼1日工作體驗機會。