泰國租電單車戴頭盔睇保單

上兩個星期有兩位香港人在泰國蘇梅島，租用電單車駕駛，在公路上突然發生交通意外，導致一死一重傷，香港入境處立即派人到達泰國，協助死傷者及其家屬。

各位讀者要留意在泰國租用電單車駕駛，一般都不需要提供國際駕駛執照，而且每日的租車費用非常便宜，好多外國人為求方便，多數租用電單車週遊列國(非常瀟灑)，但是暗地裡隱藏着很多的危機！

當大家在泰國租用電單車的時候，有冇檢查好機件，我們常見到因為機件失靈而發生炒車的意外，車撞毀了又要比租車公司的泰國佬「屈」，車撞爛了，人無事都還好！

好似今次發生在蘇梅島的交通意外，導致人命傷亡，非常唔值。據悉兩位出事香港人都沒有佩戴頭盔，請緊記...在泰國駕駛電單車必須佩戴合規格的頭盔(雖然常常在街上見到無人戴頭盔)，今次有可能連保險也不獲得賠償，有可能因為租車的時候並沒有問清楚有冇包保險？又或者冇問清楚不戴頭盔是否違規？更甚者是無牌駕駛？

所以絕對不能輕信租車公司的職員，一定要看清楚「租車協議書」及「保險單」(泰文一般唔識睇)因為在旅遊區，好多租車公司為咗做生意，職員也不顧法例的規定，而將車輛不合法地租出...

加上泰國人的駕駛習慣(斷估，冇辛苦)，所以大家都係要自求多福。其實在蘇梅島有好多像芭堤雅的「泥鯭兩排車」，只需要每位50匹泰幣，便可以由酒店到達市區，非常方便！

所以奉獻各位香港同胞，到外地旅遊如無必要，切記不要租用電單車，一切敬請小心謹慎，祝大家旅遊愉快！

(免責聲明：以上所提供之所有資料僅供一般參考用途，不應視為專業及/或法律意見。任何人士在需要時應自行尋求適當之律師及/或專業人士之意見與指導)

首創保險爆料平台電郵即覆