上回講到為唔少人為福利而離婚，我還有不少類似例子。2000年左右，我在中環經營一間足浴店，有位男師傅，大名五哥，太太在內地，他帶住在港出生的5歲孩子搵社工申請公屋，又是簽名離婚。單親帶住兒子住劏房當然不好，香港社工好好人，半年不夠就帶他睇筲箕灣耀東邨。當時五哥睇完樓同我講，話嫌嫌棄屋苑太舊，推咗不要啊，我即時罵他，有政府平租屋都不要，五仔你真癡線㗎。怎知五哥答我，社工答話太舊不要沒問題，下個月再有新屋參觀。五哥又話社工更問他，每月做按腳師傅搵到幾多銀，五哥當然只講公司收入約一萬元左右啦，不講小費收入，因為小費最重要，講完就甚麼上公屋資格都完蛋喇。五哥話社工竟即時同佢講，咁辛苦得一萬元，不如不要做呀，更講幫佢申請政府救齊金，好過返工賣勞力啦。真的不消一月，社工帶他睇九龍新公屋，即時可以入住的，其實離婚是一種手段，最重要是得到所要啊！
近廿多年，我都記不清有過幾多員工頻頻拍我房門，細細聲要減人工，原因多多，有因為申請公屋，有因為申請福利，有因為申請老人津貼，初時我都不依從。但是這廿年，香港父母辛勞造就兒女幸福，年輕人好多躺平，令香港勞工大缺，慢慢離職有，不滿意又有，接住不滿意者就上班不準時，於是我就轉大彎，只要不犯法就甚麼要求都順從。講真，福利呢樣嘢，發明係應該，是馬克斯出於社會主義的平等與關愛，但是去到發揚光大到極致，應是西方所謂的民主資本主義，為了選票，任何西方民主國家都不斷製造福利，令選民受益，從而得到選票支持，取到政權而控制國家。這種選票買賣，就令國家亂派免費福利，人民為了福利而躺平不願工作，令國家債務不斷上升，人民沉淪於福利主義。資本主義將買賣選票發揚光大，餵飽了選民，最後人民與國家同陷入萬劫不復、不斷輪迴之地。