西環德輔道西316號地下C舖 電話：2857 6738
上幾篇多介紹廣東麵食，今篇帶大家食上海麵。朋友食排骨上海麵，我也不例外，但在西環做得出色的，我會選擇有三十一年歷史的金祥排骨麵，無論排骨、麵條質素都是合乎水準。
以我理解，排骨是豬扒，配上海麵多是炸排骨，而小店亦標榜排骨麵是最馳名。食上海麵，最重要吃到麵粉香味及麵條嚼勁，小店煮的做到我的要求，微硬帶韌，湯底普通淡味，幸有蒜蓉帶出香味。
小店為保持排骨脆度，和麵分開上，一碟約有六至七件，件件炸得金黃，而且即炸即切，皮脆肉香，食得出是新鮮豬扒，不黐牙，有肉汁，醃肉時落少少薑汁，沒有加任何化學品醃肉，證明肉的質素好，只用少許調味料醃已經足夠。淨食雖正，但頗油膩，將排骨放在麵湯裡浸一浸，索些湯，又軟又脆，比淨食更好。這碗麵非常足料，排骨好吃，真不負「馳名」之名，若朋友不愛食上海麵，亦有普通廣東麵供應，此外，素食者可選菜膽冬菇麵，小店多用白菜仔，只保留最嫩的菜膽，再加炆冬菇，可以一試。朋友指食麵不夠喉，叫碟紫菜腐皮卷。坊間的炸腐皮卷，多數是炸得油膩，但小店卻相反，不油膩外，而且炸得極度鬆脆，腐皮炸到薄如紙，一卷有三層，夾有一塊普通紫菜，又是只落少許調味料，好食！不食紫菜者，可食鯪魚肉腐皮卷，或食另一名物炸豆腐，講多無謂，自己試試吧！
有其他老食店老闆向我表示，港鐵未到，收樓風潮已到，其實小麵店已搬了一次，到現在仍獲得一班食客支持是非常難得，但其他食店未必有這麼幸運。 要食？趁早。
西環德輔道西316號地下C舖 電話：2857 6738
四處搵食，尤喜懷舊食物，愛好下廚，搵人做白老鼠。