壽星佬Felix(右)昨日心情靚靚，旁為黨友張宇人。
自由黨主席鍾國斌(Felix)昨日52歲牛一，黨友無同佢切蛋糕，但佢昨晚一早返屋企同老婆撐枱腳過二人世界。一向愛女至上的Felix，今年無收到阿女生日禮物，事關18歲囡囡今年9月去咗英國讀書，但琴日一早已經收到寶貝女來電同佢講生日快樂，佢又話唔驚囡囡喺英國會學壞，因為兩父女不時都有聯絡。 由阿女講到香江「第一家庭」，Felix話教女唔難，最緊要係有足夠時間俾仔女，以佢為例，以前朝朝親自車阿女返學，佢認為幾時都係家庭第一，仲話「如果家庭唔和睦，俾皇帝你做都無用啦！」呢個廿四孝老竇認真唔話得，值得天下父親們學習。
Ray
投身傳媒工作多年，由市場研究做起，一直與公關、廣告、新聞界結下不解緣，心境永遠青春。