Ad Block Ad Block
新聞
2016-09-07 06:00:00

震驚!楊岳橋與陳玉娥親密照瘋傳 速變潛力圖

分享:
此為「810扮工室」原相,其他為P圖。

此為「810扮工室」原相,其他為P圖。

Ray噚日睇Facebook,見到楊岳橋(AY)同另一位立法會選舉新界東參選人陳玉娥(娥姐)嘅親密照時,都嚇一跳,標題仲要係「【選戰背後】震驚13億人(助選團)的真相!」不過,理智嘅網民梗係知有圖未必係真相,睇番貼文解說,原來喺選戰完成點票後,「娥姐笑住走嚟同AY提出合照,競選團隊竟然影到一張咁嘅相!點解!?」咪就係拍攝角度的巧妙囉!

講番先,張相係楊議員助理專頁「810扮工室」post出嚟嘅,都預咗大家開心「些牙」㗎嘞,但係張相既然咁有內容,梗係要成為潛力圖啦!網友好快就將呢對「璧人」P落不同背景,要浪漫嘅有日落景與巴黎鐵塔下,要戥高興嘅有公民黨友見證,要令感情更進一步嘅梗係有酒店房啦,不過論最有觸覺嘅,一定係配上長毛梁國雄議員倚欄若有所思,以小鳳姐名曲《流下眼淚前》歌詞為題的「若你愛他,我成全……」呢張,如果有留意選戰期間娥姐與長毛嘅火花,就會知道呢張P圖幾有含意。

咦!咪住,娥姐曾經講過「CY就係太完美」㗎喎,網民梗係唔會漏咗特首嗰份嘅,嚟多張有景深嘅特首做前景相,圖片說明一切啦!

 

Ray~投身傳媒工作多年,由市場研究做起,一直與公關、廣告、新聞界結下不解緣,心境永遠青春。

 

請接受以下私隱政策及免責聲明,以示你同意am730內之私隱政策及免責聲明。了解更多
接受