近年好多商營機構參與舉辦跑步活動，Ray都有好興趣參加，可惜賽事太多，人只得一個。昨日有個賽事Ray都想參加，就係希慎健康遠足及跑步賽2016，點知睇完賽果，嚇一跳！其中5公里賽事由年僅12歲的少女葉傲晴奪冠，真係後生可畏！
以30分45秒奪得5公里女子組冠軍的葉傲晴(中)，佢喺賽後話4年級就開始玩跑步，好開心可以與同樣喜愛越野跑的爸爸一齊運動同參賽，而佢爸爸今年就參加了13公里賽事。佢覺得今次與之前的路賽唔同，要跑很多樓梯，會辛苦啲，但就更有挑戰性。
至於5公里賽的男子冠軍，亦由香港選手奪得，就係連續三屆奪冠的毛朗奇。另外，13公里男子組則由來自美國的Sam Fletcher奪魁，女子組由來自加拿大的Joyce Edmondson脫穎而出；21公里男子組冠軍為來自澳洲的Vlad Ixel，女子組則由英國選手Zein Williams勝出。