旅遊達人項明生(圖左)今年驛馬星動(其實一向都係),新年伊始,已經喺星夢郵輪粉墨登台,又唱又跳做talk show,之後又前往日本京都及奈良拍攝新一輯電視旅遊節目。回港後又立即喺商台首度開咪,孖住資深電台DJ馮志豐,主持全新深度旅遊文化節目《全世界嚮導》。項明生向Ray講,呢個節目由豐隆保險贊助。
節目暫定一季共13集,逢周五晚10時30分至11時,從旅遊出發,追溯《人類起源》,飛越《南北極》,比較世界各民族不同《美》學,探索西方統治世界原因《1453》,還有各國《食》之文化、Party《祭》典。
首次開咪,一群旅遊達人紛紛撐場做嘉賓,包括:《愛恨日本》嘅杜如風(圖右),《共產天堂》就請來洪永城,《海陸空》將有黃翠如出席。