本報專欄作家馮強(Victor)一向英文了得，佢同Ray講明年1月1日會出新書，名為《The Journey讀傳記學英文》，係佢本人的英文自傳，由細講到大，其中很多篇幅講及多年來學習英文的心得，例如佢分享中學時已領會到，改善語文的秘訣是看書，看書，再看書。而要掌握好一種語文，就要終身學習，冇得偷懶。
Victor曾任職英文傳媒多年，當年係南華早報首位華人副總編輯，後來轉戰公關界及教育界，閒時撰文教下英文，亦算悠然自得。佢給年輕人的忠告是：年輕人要有夢想，要不斷奮鬥，做人方面就要開心生活每一天。