金鐘太古廣場GREAT Food Hall返嚟啦！經過幾個月翻新，舖全新面貌的GREAT更為時尚舒適。Ray昨日搶先去睇佢開幕，場面墟冚，除咗有藝人蕭正楠、黃翠如同廚壇魔術師楊尚友做嘉賓外，細心睇，仲引入咗好多「星」級嘅食材，佢地仲將間舖分咗「星」級熟食區、「星」級鮮薈區，同埋「星」級美饌區，有成12,000款環球精選產品，其中二千幾款更加是獨家品牌。熟食區有唔少選擇，打工仔仲可以透過手機Taste-To-Go APP預訂同俾錢，之後落分店攞餐，慳時間又方便。鮮薈區就有來自世界各地嘅優質肉類，豬牛羊肉都有，仲有可持續發展捕捉嘅海鮮可以揀。
Ray平日間唔中都會入廚，但因放工時間已經唔早，真係幾難買到好食材，而家唔同啦，可以去GREAT搞掂晒。
另外，仲有全港唯一有全天候溫度同濕度控制嘅Cheese Room，裡面有成二百幾款來自世界各嘅芝士，真喺好「芝」味。而美饌區除咗有獨家品牌美食外，仲有多款美酒。咁多好嘢賣，間舖仲由朝10開到晚10，咁就夜啲放工都可以去入貨，Ray有時間都會多啲落去，得閒煮多幾味歎下。
