又係麥當勞X MIRROR成員？無錯，昨日同大家講完用麥當勞App捐錢，就有機會贏得MIRROR三周年Party入場券。今次講嘅係麥當勞一次過同MIRROR十二位成員攜手合作，於10月25日推出期間限定的全新口味麥炸雞，更連續4星期分階段限量推出不同成員的鏡仔卡和專屬顏色包裝盒，各位鏡粉要get ready啦，迎接一連串慶祝活動同品嘗爆「脆」滋味！
10月25日(即下星期一)起，麥當勞App用戶可憑不同指定電子優惠券以優惠價購買麥炸雞，更可獲得隨機派發的鏡仔卡！全套16款鏡仔卡會分4個星期推出，每位成員均各有一款專屬顏色的個人卡，下周打頭陣4款鏡仔卡包括姜濤、Stanley和Tiger，而每周會推出一款團體卡。
如集齊16張個人及團體卡，就可於最後一周獲得神秘驚喜彩蛋。所有鏡仔卡均數量有限，送完即止。
