貨不對辦都要買

好難想像，一部$799的山寨平板，已經造到跟iPad mini一樣薄身，唔買實在對唔住自己，即使貨不對辦都絕不後悔。

雖然新機品牌係來自火星，但又如何？身邊伴侶何嘗唔係？內外在美兼備就得。bmorn藍晨K22開賣只三數星期，最吸引係佢有前後鏡頭影相，而且喇叭設在機身之前，用平板睇片打機，音效來得直接。經Sales硬銷一輪，我再私下上網爬文，發現無劣評就科水，點知睇真D，部機同demo俾我睇的唔同，對喇叭同美斯一樣走位靈活，由機前走到機後，Sales換過另一部都一樣，佢都搲爆頭。

其實部機有香港代理，唔應該有以上情況出現，我買佢係因為半年前我曾以$1,600買入強國雙核7吋機種，今日一半左右價錢買到四核，唔買實在唔抵。

作者為資深新科玩傳媒人。http://www.facebook.com/macro.she