3D打印平民化？

物極必反係自然定理。Printer比起十多年前全盛時期已風光不再，近日3D打印卻正在興起，早前有幸出席AutoDesk繪畫軟件的活動，有幸見識到3D打印成品，確係幾掂。

AutoDesk前身係AutoCAD，設計人員冇人唔識，由於轉新Logo及宣傳軟件，所以舉辦了業界活動，當中最矚目的當然是3D打印機，體積大約有兩部雙門雪櫃，本地應用以印製商品模型及樓宇模型為主，成品堅硬程度視乎原材料而定，現場所見的作品都如石膏般硬。

令人期待的是，入門的單色3D打印機賣萬幾兩萬蚊，呢個情況跟以前打印機平民化的時候相似，難保有日你我家中都會有彩色機種，問題係怕不法之徒會印槍打劫囉。